ရှင်သန်ခြင်း

နေသည် ပူပြင်းလွန်းလှသည်။ သူ့ ရင်မှ အပူကို မှီမည် မထင်။ သားငယ် နှစ်ယောက် ၏ ကျူရှင်လခ မပေးနိုင်ခြင်း အတွက် ကျူရှင် မသွားချင်ဘူးဟု ငြင်းဆို နေသော အသံများ၊ ဆယ်တန်းကျောင်းသူ သမီးကြီး ၏ အထူးထုတ်ဝယ်ရန် ပူဆာသံ များကို ကြားယောင်မိပြန်သည်။ နောက်ပြီး အထူးထုတ် တစ်အုပ်၏ တန်ဘိုး ……….။

အလိုက်မသိတတ်ရန်ကောဟုတော့ အပြစ်မမြင်ချင်ပါ။ ရုံးမှ အရာရှိပေါက်စ သူ့ လစာနှင့် အထက်တန်း စာရေး သူ့  အမျိုးသမီး နှစ်ယောက်ပေါင်းလစာတို့ က သားသမီး သုံးယောက်ကို လူတန်းစေ့ ထားနိုင်အောင် မနည်းကြိုးစားရသည်။ အကြွေးစာရင်းတို့ ကို မသိချင်တော့၍ တခါတရံ အတိတ်မေ့ရောဂါပင် ရချင်သည်။

သက်ပြင်းကို အသာချမိသည်။ ပိုက်ဆံချေးရန် အကိုဆီ ရောက်သော်လည်း အကြောင်းမထူး။ ဆိုက္ကားခ ကုန်တာသာ အဖတ်တင်သည်။ အပြန်ခရီးကို မစီးချင်ပေမဲ့ ဤလမ်းခရီးတွင် ဆိုက္ကားသာလျှင် ရှိပြန်သည်။ ဆိုက္ကားသမားကတော့ နေပူ ထဲတွင် သီချင်းညည်း မပျက်ပေ။ ၀ါသနာအတိုင်း သူ အနည်းငယ် စပ်စုလိုက် သည်။

“ခင်ဗျား တနေ့ ကို အုံနာခ ဘယ်လောက် ပေးရလဲဗျ။ အုံနာခ ဖယ်ပြီးရင်ရော တစ်နေ့ ကို ဘယ်လောက် ကျန်လဲဗျ။ သိချင်လို့ ပါ။ ”

“အုံနာခကတော့ တစ်နေ့ ကို ရှစ်ဆယ် ပေးရတယ်ဗျ။ တချို့ နေရာတွေမှာတော့ ကိုးဆယ်တောင် ဖြစ်နေပြီ။ အုံနာခ ဖယ်ပြီးရင် တနေ့ ကို သုံးလေးရာတော့ အနည်းဆုံး ကျန်ပါတယ်။ စားပြီးသောက်ပြီးပေါ့။ တခါတလေ သုံးရာကျော်လောက် ရပြီးရင် ကျွန်တော် အိမ်ပြန် နားတော့တာပဲ။တချို့ လူတွေက ကျွန်တော် တို့ ကို ဆိုက္ကား သမားဆိုပြီး အထင်သေးတတ်ကြ တယ်။ ဂုဏ်မရှိပေမဲ့ မိသားစု ချောင်ချောင် လည်လည် နေနိုင် စားနိုင်ပါ တယ်။ ကျွန်တော်ဆို ကလေး ခြောက်ယောက် ရှိတယ်။ အကြီးဆုံးသမီးက တက္ကသိုလ် တက်နေပြီလေ။ တစ် အိမ်လုံးကို ကျွန်တော်ပဲ ဆိုက္ကား နင်းကျွေးနေတာ။ တစ်လကို တစ်သောင်းကျော်လောက်တော့ အသာလေး ရှာနိုင်တယ်ဗျ။”

နေပူထဲတွင် အားမာန်အပြည့်ဖြင့် နင်းနေသော ဆိုက္ကားသမားကို အထင်ကြီး လေးစားစွာ သူ မော့ကြည့်မိ သည်။ သူ့ ကို ကြည့်ရင်း ကိုယ့်ရင်ထဲမှာတော့ နွမ်းလျလျ။

အိမ်ပြန်ရောက်တော့ ပိုက်ဆံပါမလာ၍ မိန်းမက သိပ်မကြည်ပေ။ ခရီးစရိတ်ပါ ထပ်ကုန်တာမို့  ပိုပြီး ခံစား နေရပုံမျိုး။ သူ့ ကို ပြောမရတော့ ကလေးတွေဘက် လှည့်မဲတော့သည်။

“စာကျက်ခိုင်းတာ မကျက်ပဲ လျှောက်ကစားနေကြတယ်။ အိမ်ပေါ်တက်ပြီး စာကျက်စမ်း။ စာတတ်မှ နင် တို့  ကောင်းကောင်း မွန်မွန် နေရမှာ။ စာမတတ်ရင် နင်တို့  ဆိုက္ကား နင်းရလိမ့်မယ်။”

သူမနေနိုင်စွာ တစ်ခွန်း ၀င်ပြောမိသည်။

“အေး ဆိုက္ကားသမား ဖြစ်တော့လည်း ကောင်းသားပဲ မိန်းမရဲ့”

“ကလေးတွေကို ဆုံးမနေတာ ရှင်က မဟုတ်တာတွေကို ဘာကိစ္စ ၀င်ပြောနေရတာတုံး”

ဟုတ်တာတွေ ပြောနေတာဟု ပြောလိုက်ချင်ပေမဲ့ မိန်းမနှင့် အငြင်းမပွား လိုသေးတာက တစ်ကြောင်း၊ ကလေးတွေ ကို ဆုံးမနေချိန်မှာ ဖျက်စီးသလို ၀င်မပြောသင့်တာက တစ်ကြောင်းမို့  လောလောဆယ်မှာတော့ နှုတ်ပိတ် နေလိုက်ပါသည်။ ဆိုက္ကားသမား တစ်ယောက်၏ ၀င်ငွေသည် စားဝတ်နေရေး ပြသနာများကို ဖြေရှင်း ရန် အတိုင်းအတာ တစ်ခုအထိ လုံလောက်ကြောင်းကိုတော့ တချိန်ချိန်မှာ မိန်းမအား သိအောင် ပြောပြရပါ အုံးမည်။

မေဇူး
(တစ်မျက်နှာ မဂ္ဂဇင်း ၀တ္ထုတို)

၁၉၉၇ ခုနှစ်၊ သြဂုတ်လ၊ သပြေ မဂ္ဂဇင်း

Advertisements

About mayzuu
hi

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: